Кибер аюулгүй байдлын халдлага, зөрчлийн тохиолдлыг мэдээлэх тухай

"Кибер аюулгүй байдлын халдлага” гэж “Кибер Аюулгүй Байдлын Тухай” хуулийн 4.1.14-т зааснаар:

• “Кибер аюулгүй байдлын халдлага” гэж мэдээллийн систем, мэдээллийн сүлжээний кибер аюулгүй байдлыг алдагдуулах зорилго бүхий үйлдлийг
• “Кибер аюулгүй байдлын зөрчил” гэж мэдээллийн системийн бүрэн бүтэн, нууцлагдсан, хүртээмжтэй байдалд заналхийлж байгаа аливаа үйлдэл, эс үйлдлийг хэлнэ.

Кибер халдлага, зөрчил үүссэн, үүссэн байж болзошгүй тохиолдолд та доорх формыг ашиглан уг тохиолдлын талаар Кибер халдлага, зөрчилтэй тэмцэх нийтийн төвд мэдэгдэнэ үү.

Кибер халдлага, зөрчилтэй тэмцэх нийтийн төв нь Кибер аюулгүй байдлын тухай хуулийн 22.2.1-т заасан иргэн, хуулийн этгээдийн мэдээллийн систем, мэдээллийн сүлжээнд чиглэсэн кибер халдлага, зөрчил эсвэл түүний болзошгүй тохиолдлын талаарх мэдээллийг хүлээн авах ба түүнийг таслан зогсоох, хариу арга хэмжээ авах, кибер халдлага, зөрчилд өртсөн мэдээллийн системийг нөхөн сэргээхэд дэмжлэг үзүүлэн ажилладаг.